JD小婚享 :台中pre wedding (中)- 化妝及攝影篇

上回講完住宿同介紹, 開始到戲肉喇~即刻去片!

11/20:

上回提到第一日揀完衫同溝通, 定左地點為: 1~6PM 格林奇幻森林, 夜晚再係Studio 影+夜景. 由於位置頗遠, 由紅豆出發要一小時車程,所以當日Schedule 好緊密, 攝影c mr.bean 提醒要準時9點到達化妝. 當晚我做好最後準備: 深層清潔+ Bioderma Sensibio Mask + SKII+ Endocare 蝸牛精華先訓, 第二日皮膚狀態真的十分好耶~! 各位B2B 記緊要做好準備啊~

11/21:

我地8點已經出門口,去左apartment 附近食早餐,要食飽飽夠精神先撐到整日拍攝~ 台灣好多呢類型既早餐店,佢地好興食蛋餅, 入面好多唔同既餡可以揀,即叫即整, 唔洗hk 10@!!

未到9 點就到紅豆喇, 入到去見到幫我化妝既係ANNIE 呀~呀~呀~~好開心!! 聽聞佢好勁呢~ 佢先先幫我個上身上水粉,(手,腳, 頸) 膚色可以均勻DD. 跟住我突然唔記得左要著開胸衫方便換衫, 但原來佢地早有準備, 比我換左條"姊妹裙", 攪掂~!

 

 開始化妝~~我只係同佢講唔想造型太Cute /太小朋友, Elegant d 就OK.  唔洗一個鐘佢就幫我化完喇!! (LIPS 留返去到先茶) 佢比我係香港試妝/ PW等等都化得好同超滿意!!  (set 頭前)

 

男人呢? ANNIE都好細心幫佢修埋眉同遮瑕, GEL頭等~~

 

出發喇~~格林奇幻森林喺苗栗縣的~~ 入場費NT2000 (一隊CREW 計) 入面有蒸餾水提供.  場景有10 多個, 有興趣可以上佢地FB 睇睇, 事先可以同攝影C 溝通~~當日天氣超好!!TKS GOD!

 

我地帶左即影即有唸住玩下, 但其實無咩時間比我地自己影, ANNIE 好好人, 佢主動咩住部機一見有靚位就幫我地影, 勁pro,又要大讚一下佢!! 大大話話影左10幾20張~ HEHE~~ big day banquet可以用黎放photobooth deco 下~~~

Annie全程換3轉頭都超快手! 個妝無咩點甩, good good good!!  一直影到6PM 左右就要閃喇, 返到Studio 已經 7 點, 紅豆為我地準備好便當晚餐~  塊豬扒好正~ 食完我地即刻開工影studio, 9 pm再出去夜景, 最後10 pm 終於大功告成!!! 再次多謝紅豆婚攝團隊!!

下次再分享: 超快揀相tips  &成品篇～