2014年12月15日星期一

炸雞迷必試: Mr. Korea Chicken

雖然唔太好韓劇, 但我同mr.d 都好鐘意食韓國菜, 尤其是韓式炸雞 ^^   搬左去香港區後, 來銅鑼灣食飯機會多好多, 上星期跟朋友一行四人來到新店Mr. Korea Chicken 試試~~
店內部份店員是韓國人, 感覺更加親切, 餐牌上的菜式選擇也好多, 單是炸雞也超過十款, 更有小食, , 年糕, LUNCH SET , 價格親民. 很適合三五知已來飲暢飲一番~

先來飲品熱熱身, 米酒(又叫濁酒)在韓國很普遍, 以大米釀成,  當地人好多時作汽水飲, 因酒精含量少, 易入口, 很受年青人愛戴~ 用來送炸雞最岩喇~~ 男士們就喜歡韓國啤酒, 清爽且淡口.
 

 
煎蛋捲
長長的一條煎蛋內, 塞滿韓國泡菜, 外面有茄汁及黃芥辣, 口感豐富, 頓時胃口提升.
 

海鮮炒年糕
小妹最喜歡的傳統韓國菜式, 這味炒年糕口感煙韌, 配料超多, 大大片魷魚, 青口等, 味道帶甜及少辣,甚為美味.

 
醬油雞翼
數到水準之作, 必屬這味醬油雞翼, 一藍十大隻, 全部漲卜卜, 炸得金黃香脆, 表面有香甜醬油, 雞肉嫩滑又入味, 食唔停口~!

洋蔥炸雞
建議4-5 人以上才order, 份量十足, 用帶骨雞件蘸脆漿炸香, 面頭鋪上大量半熟洋蔥及甜辣醬, 送酒一流~!

 
香辣雞腳
坊間少有的一味, 即管一試. 上菜時侍應一句:”SUPER SPICY”~令我地有點怕怕, 辣味一開始不太強, 中段才慢慢滲出, 雞腳早已去骨, 食起黎好方便, 同時吸盡辣醬之香辣, 惹味得來叫人食完再食.
甜品:
蕃薯芝士脆卷, 有點兒似平時食開既春卷, 入面有軟綿綿既芝士同甜美蕃薯粒,  創意滿分!個人認為唔點茄汁更好食呢~

 
餐廳資料:
Mr. Korea Chicken
銅鑼灣登龍街28號永光中心21樓
星期一至星期六 午餐 12:00pm-3:00pm
晚餐 5:00pm-12:00am
星期日 晚餐 5:00pm-12:00am

沒有留言:

發佈留言